لاتلتفت لي وانت قلبك مع الغير ...
لاتلتفت لي وانت مانت بمعايه


خلك مع الي صنت له كل تقدير...
الي من اجله بعت باقي غلايه


صحيح يلقى الشر من يفعل الخير...
حكمه وفيها صاب راعي الروايه


توي تجرعت الندم والتحاسير...
لاواحسايف ياعنايه وشقايه


عطني دلايل للتجافي وتبرير...
والدافع الي يدفعك في جفايه


مني حشى ماجاك نقص وتقصير...
ولاهقيت ان منك هذا جزايه


ولاصار هذي نيتك واصل السير...
تلقى وانا القى من يجبر عزايه


مافيه داعي للاسف والمعاذير...
واصل جفاك ولاتحاول رضايه


وانا  علي لااصخر القلب تصخير...
عنك وعندي لـ الاهانة وقايه


من باعني بعته ولافيه تفكير...
وجفوى المقفي للمولع حمايه


وانا خلصت منك وشفت التعازير...
والي حصل لي منك فيه الكفايه